Түгээмэл асуулт
Хариулт олдохгүй бол чатаар бидэнтэй холбогдоорой — Entry баг хариулна.
Бүтээгдэхүүн
Entry Accounting гэж юу вэ?
Монголын бүхий л байгууллагад зориулсан нягтлан бодох бүртгэлийн вэб систем. Та өөрийн ChatGPT эсвэл Claude-д ажлаа хэлэхэд AI бүртгэл, тооцоо, тайланг Entry дээр бэлтгэнэ; бэлтгэсэн үр дүнг та шалгаж баталгаажуулна. Журнал, авлага / өглөг, бараа материал, цалин, НӨАТ, үндсэн хөрөнгө, POS, eBarimt, QPay нэг дор ажиллана.
«AI нягтлан» багц юугаар ялгаатай вэ?
«AI нягтлан» нь бүртгэлийн програм биш. Энэ багц Entry-ийн нягтлан бодох бүртгэл, IFRS, Монголын татвар, цалингийн мэргэжлийн мэдлэгийг таны ChatGPT эсвэл Claude-д холбоно. Бүртгэлийн модуль болон санхүүгийн тайлангийн систем багтахгүй. Entry Accounting-ийн хэрэглэгчдэд үнэгүй дагалдана.
Entry Academy гэж юу вэ?
Таны ChatGPT эсвэл Claude-ийг нягтлан бодох бүртгэлийн AI багш болгох үйлчилгээ. Багш хичээлийг тайлбарлаж, дасгал өгнө; дасгал бүр шинэ тоотой бөгөөд хариуг Entry-ийн сервер шалгадаг тул AI зөв хариуг таамаглах, урьдчилан хэлэх боломжгүй. 59,000₮ / сар, 24 цаг үнэгүй. Entry Accounting-ийн хэрэглэгчдэд үнэгүй багтана.
Academy-ийн гэрчилгээг яаж авах вэ?
Курсын дасгалаа ажилласны дараа app.entry.mn-ийн «Шалгалт» хэсэгт вэб шалгалт өгнө: 20 асуулт, 45 минут, 80%-иас дээш авбал тэнцэнэ. Тэнцвэл баталгаажуулах кодтой гэрчилгээ шууд олгогдож, PDF-ээр татна. Ажил олгогч QR код эсвэл кодоор жинхэнэ эсэхийг шалгана. Шалгалтыг чатаар өгөхгүй, унавал 24 цагийн дараа дахин өгнө.
Сургууль, байгууллага ангиараа хэрэглэж болох уу?
Болно. Багш анги үүсгэж сурагчдаа кодоор эсвэл и-мэйлээр урина; сурагч бүрийн ахиц, шалгалтын оноо, гэрчилгээг самбараас харж, даалгавар, хугацаа өгнө. Сурагчийн хариулт, дэвтэр багшид харагдахгүй. Одоо пилот хэлбэрээр ажиллаж байгаа тул Entry багтай холбогдоно уу.
Хуучин програм, Excel-ээс шилжиж болох уу?
Болно. Данс, харилцагч, бараа, ажилтан, үндсэн хөрөнгө, нээлтийн үлдэгдлээ Excel загвараар эсвэл AI-ийн тусламжтай оруулна. Томоохон байгууллагын шилжилтэд Entry баг дэмжлэг үзүүлнэ.
Нягтлан бодох бүртгэлийн үйлчилгээний байгууллага олон компанийг нэг дор хөтөлж болох уу?
Болно. Platform багцаар 10 хүртэл компанийг нэг орчноос удирдана. Түүнээс олон компанитай бол Enterprise багцын нөхцөлийг Entry багтай тохиролцоно.
eTax, e-Balance руу шууд илгээх үү?
eTax: тийм. НӨАТ, ХХОАТ, ААНОАТ-ын тайланг Entry-ийн бүртгэлээс бэлтгэж, та хянаад ТЕГ-д хадгалж, илгээнэ. Илгээсэн тайлангийн хуулбар, хугацаа, хоцорсон тайлан Entry-д харагдана. e-Balance-ийн санхүүгийн тайланг одоохондоо маягтаар нь Excel-ээр гаргана — шууд илгээх холболт удахгүй.
Банктай шууд холбогдох уу?
Хаан банк, Голомт банкны дансны хуулга, үлдэгдлийг API-аар автоматаар татаж, Entry-ийн бүртгэлтэй тулгана. Холболт зөвхөн унших эрхтэй — Entry таны данснаас мөнгө шилжүүлэхгүй. Бусад банкны хуулгыг файлаар оруулна.
Эх кодыг нь авч өөрсдөө өөрчилж болох уу?
Болно. Тусдаа сервер, тусдаа мэдээллийн сантай өөрийн хувилбарыг авч, өөрийн хөгжүүлэгч эсвэл Claude Code-оор өргөтгөнө. Хүсэлтийг Entry баг шалгаж батална; 14 хоног туршина. Дэлгэрэнгүйг «Өөрийн хувилбар» хуудаснаас.
AI холболт
ChatGPT, Claude-ийн үнэгүй хувилбараар холбогдох уу?
Үгүй. ChatGPT эсвэл Claude-ийн төлбөртэй хувилбар (жишээ нь ChatGPT Plus, Claude Pro) шаардлагатай. ChatGPT-д холбохдоо Developer mode-ийг идэвхжүүлнэ. Бүртгүүлсний дараа «Тохиргоо → AI холболт» хэсэгт алхамчилсан заавар харагдана.
AI буруу бичилт хийвэл яах вэ?
AI-ийн үүсгэсэн журнал, нэхэмжлэх эхлээд ноорог хэлбэрээр орно. Та түүнийг шалгаж, шаардлагатай бол засаад баталгаажуулна. Шууд батлах горимыг асаасан ч таны тогтоосон дүнгийн хязгаараас давсан бичилт, сарын хаалт, цалингийн тооцоо үргэлж баталгаажуулалт хүлээнэ.
Entry дотор тусдаа AI үйлчилгээ ажилладаг уу?
Үгүй. Та өөрийн ашигладаг ChatGPT эсвэл Claude-ийг Entry-тэй MCP холболтоор холбоно. Entry-ийн сервер ямар нэгэн AI-ийн API руу өөрөө ханддаггүй тул AI-тай хийсэн ярианд тухайн үйлчилгээ үзүүлэгчийн (OpenAI, Anthropic) нөхцөл хамаарна.
Үнэ, төлбөр
Үнэ хэд вэ?
Standard багц 79,000₮ / хэрэглэгч / сар — нэг компанийн бүх модуль. Platform багц 149,000₮ / хэрэглэгч / сар — 10 хүртэл компани, REST API. Зөвхөн мэдлэгийн сангийн «AI нягтлан» багц 29,000₮ / сар, Entry Academy 59,000₮ / сар. Бүтэн системийг 14 хоног, «AI нягтлан» болон Academy-г 24 цаг үнэгүй туршина.
Туршилт дуусахад өгөгдөл маань устах уу?
Үгүй. Туршилтын хугацаа дууссан эсвэл төлбөр хоцорсон ч таны өгөгдөл устахгүй хадгалагдана. Унших, тайлан гаргах, Excel-ээр экспортлох боломж нээлттэй хэвээр. Төлбөрийг системээс QPay-ээр 1, 3, 6, 12 сараар урьдчилан төлнө.
Аюулгүй байдал
Миний өгөгдөл хаана хадгалагдах вэ, аюулгүй юу?
Сервер, мэдээллийн сан Сингапур дахь дата төвд (Railway) байрлана. Байгууллага бүрийн өгөгдөл тусгаарлагдсан, мэдээлэл шифрлэгдсэн холболтоор дамждаг, нууц үг зөвхөн хэш хэлбэрээр хадгалагддаг. Хэн, хэзээ, ямар үйлдэл хийснийг аудитын мөрөнд бүртгэнэ. ChatGPT эсвэл Claude зөвхөн таны зөвшөөрсөн эрхийн хүрээнд хандана.
Бүртгэлээ, өгөгдлөө устгуулж болох уу?
Болно. Та мэдээллээ харах, засах, Excel-ээр экспортлох, бүртгэл болон байгууллагынхаа өгөгдлийг бүрэн устгуулах эрхтэй. Хүсэлтээ чатын «Хувийн асуулт» хэсгээр илгээгээрэй.
Өөрөө туршиж үзэх нь хамгийн хурдан хариулт.
14 хоног үнэгүй турших